“Тэнхлэг зууч” компанийн хувьд үл хөдлөх хөрөнгийн зах зээлтэй холбоотой бүхий л

судалгааг хамгийн бодитойгоор хийдэг бөгөөд иргэдийг орон сууцжуулах төрийн бодлогыг

салбарын яамны зүгээс боловсруулахдаа тус компанийн мэдээлэлд үндэслэдэг юм. 

Иймд “Төрийн Орон Сууцны Корпораци” ТӨҮГ нь “Түрээслээд өмчилдөг орон сууцны санхүүжилтийн шинэ схем”-ийг хэрэгжүүлэх боломжтой эсэх талаар судалгаа хийхдээ “Тэнхлэг зууч” компанитай хамтран ажиллаж байна. 

Энэ судалгаанд “Тэнхлэг зууч” компанийн мэдээлэл бодитой туслалцаа, дэмжлэг болж байна. 

“Тэнхлэг зууч” ХХК нь үл хөдлөх хөрөнгийн судалгаа, зуучлалаас гадна иргэдийг орон сууцжуулахтай холбоотойгоор төрийн зүгээс хэрэгжүүлж байгаа төсөл, хөтөлбөрүүдийг www.shinebair.mn сайтаараа дамжуулан олон нийтэд хүргэсээр ирснийг дурдахад таатай байна.

Манай байгууллагын хувьд 2013 оноос хойш “Тэнхлэг зууч” компанитай хамтран ажиллаж байна.

Шинэ, хуучин орон сууц, оффис, газар, хашаа байшин аль байршилд ямар үнэтэй байгаа тухай мэдээллийг тус компанийн судалгаанаас харж болно.

Мөн хэдэн айлын орон сууцны төсөл хэрэгжиж байгаагийн хэчнээн нь захиалга авч байгаа вэ, тухайн жилд хэдэн айлын орон сууц ашиглалтанд орох вэ, борлуулалт хэдэн хувьтай байна вэ гэхчлэн тухайн зах зээлтэй холбоотой  бүхий л асуултуудад хариулт болох судалгааг гаргадаг нь бидний сэтгэлд их нийцдэг юм.

Гэр хорооллын дахин төлөвлөлтийн төсөл хэрэгжүүлэгч компаниуд “Тэнхлэг зууч” компанийн судалгааг төслийнхөө төлөвлөлт, борлуулалтад ашиглаж, энэ нь ч үр дүнгээ өгдөг.

Үл хөдлөх хөрөнгийн судалгаа, зуучлал нь олон нийтэд танигдсанаас гадна иргэдийг гэр хорооллын дахин төлөвлөлтийн талаар эерэг ойлголттой болоход “Тэнхлэг зууч” компанийн  www.shinebair.mn сайт хувь нэмрээ оруулсаар ирснийг хэлэхэд таатай байна.

Танай хамт олонд ажлын амжилт, сайн сайхныг хүсье.

“Тэнхлэг зууч” компанийг байгуулагдсан цагаас нь мэднэ. Тус компани үл хөдлөх хөрөнгийн салбарт Монголдоо тэргүүлэгчдийн нэг. Энэ байр сууриа өнөөдрийг хүртэл хадгалж явна.

Монголбанктай хамтран “Орон сууцны үнийн индекс”-ийг тооцож байгаад талархаж явдаг.

“Тэнхлэг зууч” компани нэгдсэн статистик мэдээлэл гаргаж, тухайн сар, улирал, жилд ямар өөрчлөлт гарсан талаар олон нийтэд мэдээлж байгаа нь үл хөдлөх хөрөнгийн салбарт томоохон дэвшил авч ирлээ.

Тухайн салбарт ажиллаж байгаа бизнес эрхлэгчид, хөрөнгө оруулагчид болон худалдан авагчид зэрэг зах зээлд оролцож байгаа талууд “Тэнхлэг зууч” компанийн мэдээлэлд тулгуурлаж үйл ажиллагаагаа явуулах, худалдан авалтаа хийх боломж бүрдэж байна.

Тус компанийн судалгаа нь улсын нэгдсэн статистик тоо баримт болж байгаа нь ач холбогдол өндөртэй юм.

Манай компанийн хувьд 2008 онд орон сууцны салбарт хөл тавьснаас хойш нэгдүгээр хороололд “Өнөр” хотхон, Хан-Уул дүүрэгт олны сайн мэдэх “Ривер Гарден” хотхоны нэгдүгээр ээлж,” Тайм Скуэр”, “Цэцээ гүн”, Эрдэнэт хотод “Эрдэнэт- Өнөр” хотхоны эхний ээлжийг ашиглалтанд оруулсан амжилттай ажиллаж байна.

“Ривер Гарден” хотхоны 2-р ээлжийн 4 блок орон сууц ашиглалтанд орж, төсөл 70 хувийн гүйцэтгэлтэй байгаа бол, Яармагийн дэнжид шинээр эхлүүлсэн төсөл болох “Гарден Сити” хотхоны  эхний ээлжийг энэ оны 7-р сард ашиглалтанд оруулах юм.

Түүнчлэн  Хан-Уул дүүргийн Арцатын амны уулын бэлд амины орон сууцны хотхон болон орон сууцны өөр нэгэн шинэ төсөл эхлүүлэхээр бэлтгэж байна.

Бидэнтэй хамтран ажилладаг та бүхний ажилд амжилт хүсье.

Манай компани 2003 оноос барилгын салбарт үндсэн үйл ажиллагаагаа эхлүүлсэн бөгөөд чанартай үйлчилгээ, уян хатан нөхцөл, бизнесийн ёс зүйг эрхэмлэн, хэрэглэгчээ дээдэлж ажилласны үр дүнд Монголын барилгын салбарын ТОП-3 аж ахуйн нэгжийн нэг болж чадсан юм.

2003 оноос хойш барилга угсралт, үйлдвэрлэлийн үйл ажиллагаа эрхэлдэг байгууллагуудыг манлайлан ажиллаж, нийслэл хотынхоо хөгжил цэцэглэлтэд өөрийн гэсэн өнгө төрхийг нэмж, оффисын 3 барилга, орон сууцны хотхон, хороолол 5-ыг барьж ашиглалтанд оруулсан бөгөөд одоогоор Баянмонгол Дүнжингарав хорооллын дунд байрлах 1238 айлын САРУУЛ орон сууцны хорооллыг барьж байна.

Бид 2013 оноос хойш “Тэнхлэг зууч” ХХК-тай хамтран ажиллаж байгаа байгаа юм.

“Тэнхлэг зууч” компанийн  www.shinebair.mn сайтын мэдээ, мэдээлэл цэгцтэй, үнэн бодит байдгаас гадна байр сонирхогчдын  цаг завыг хэмнэж оновчтой шийдвэр гаргахад нөлөөлдөг учраас манай компани өнөөдрийг хүртэл хамтран ажиллаж байна.

“Тэнхлэг зууч” компани үл хөдлөх хөрөнгийн зах зээлийн харьцуулсан судалгааг тогтмол хийдэг нь бидний цаг завыг хэмнэхээс гадна оновчтой шийдвэр гаргахад эерэг нөлөө үзүүлсээр ирсэн юм.

Бидний урт хугацааны хамтын ажиллагаа олон гэр бүлүүдийг өргөө цагаан гэртээ аз жаргалтай сэтгэл хангалуун амьдрах гүүр болдог гэдэгт итгэдэг.

Та бүхний ажилд амжилт хүсье.

“Тэнхлэг зууч” ХХК нь Монголын анхны үл хөдлөх хөрөнгө зуучлалын компаниудын нэг.

Энэ салбартаа олон жил ажилласан туршлагатай бөгөөд сүүлийн үед судалгаа шинжилгээний чиглэлд илүүтэй анхааран ажиллаж байна.

Төрийн болоод мэргэжлийн байгууллагуудыг холбогдох мэдээлээр хангахын зэрэгцээ барилгын компаниуд, төсөл хэрэгжүүлэгчидтэй хамтран ажилладаг мэргэжшсэн байгууллага юм.

Манай компани “Тэнхлэг зууч” компанитай үл хөдлөх хөрөнгийн борлуулалтаар хамтран ажиллаж байсан. Мөн тус компанийн www.shinebair.mn сайтад орон сууцны төслөө байршуулж, холбогдох мэдээллүүдээ уншигчдад хүргэдэг.

“Тэнхлэг зууч” компаниас гаргадаг үл хөдлөх хөрөнгийн зах зээлийн чанартай, үнэн зөв судалгаа нь төсөл хэрэгжүүлэгч бидний ажилд ихээхэн тус дэм болдгийг хэлэхэд таатай байна.

Манай компани 1992 оноос хойш барилгын салбарт үйл ажиллагаа явуулж байна. Бидний зорилго, дундаж амьдралтай иргэддээ зориулсан орон сууц барихад чиглэдэг. Барилгын салбарт үйл ажиллагаа явуулснаас хойш 5000 орчим айлын орон сууц барьж ашиглалтанд оруулаад байна.

Одоогоор гэр хорооллын дахин төлөвлөлтийн төслийн хүрээнд Баянзүрх дүүргийн 8,16 дугаар хороонд 5000 айлын “Шинэ Амгалан” хорооллын төслийг хэрэгжүүлж байгаа бөгөөд .... айлын орон сууцыг ашиглалтанд оруулаад байна.

Манай компанитай хамтран ажилладаг “Тэнхлэг зууч” компанийн хамт олонд ажлын амжилт хүсье.