Эх сурвалж: shorturl.at/cxNSU

Азийн Хөгжлийн банкнаас Монгол Улсад дэд бүтцийн төслүүдийг хөдөлгөхөд Засгийн газрын оролцоо сул байгааг санууллаа.

Европ, Монголын хамтарсан Худалдаа аж үйлдвэрийн танхимаас зохион байгуулсан "Logistics & Connectivity With Europe" хоёрдугаар хэлэлцүүлэгт Монгол Улс, Европ, ОХУ, БНХАУ-ын шийдвэр гаргагчид олон улсын зам тээврийн асуудлаар санал солилцох үеэр энэ талаар мэдэгдлээ.

Монголын талаас Европ чиглэлд агаарын тээврийн нислэгийн давтамжийг нэмэгдүүлэх бодлого баримталж буйгаа илэрхийлсэн юм. Харин төмөр замын тээврийг хөгжүүлэх чиглэлд олон улсын төмөр замын стандартыг нутагшуулахад анхаарч байгаагаа дурдав.

"Харин боомтуудын ачаалал нэмэгдсэн тухай асуудал нэг жил хүртэлх хугацаанд аажмаар шийдэгдэх төлөвтэй байгаа"-г “Туушин” компанийн дэд захирал Б.Пүрэвчулуун онцоллоо.