Хан-Уул дүүргийн 2 дугаар хорооны нутаг дэвсгэрт хуучин Нэхмэлийн шар байруудын дахин төлөвлөлтийн хүрээнд баригдсан орон сууцны барилгын дунд газар, үл хөдлөх хөрөнгө эзэмшиж байсан “Марта Грийн” ХХК-ийн газар эзэмших эрхийг Нийслэлийн Засаг даргын 2021 оны А/312 дугаар захирамжаар цуцалсан. Иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, ногоон байгууламжийг нэмэгдүүлэх үүднээс иргэд, оршин суугчдын саналыг үндэслэн Тохижилтын ажлын төлөвлөлтийн даалгаврыг Хот байгуулалт, хөгжлийн газраас боловсруулан Нийслэлийн Ерөнхий архитектор батлав. Батлагдсан даалгаврын хүрээнд иргэд, оршин суугчид, СӨХолбоод, төсөл хэрэгжүүлэгч компани Хан-Уул дүүргийн Засаг даргын Тамгын газартай хамтран зураг төслийг боловсруулж, тохижилтын ажлыг гүйцэтгэх болно.